F  r  a  n  c  i  s  c  i        M  a  u  r  o  l  y  c  i        O  p  e  r  a        M  a  t  h  e  m  a  t  i  c  a
Introduzione Help Pianta Sommario
Epistulae Propriae XV
<- App. -> <- = ->

XV.

Francesco Maurolico a Ottavio Spinola

Messina, 1 giugno 1558

Lettera di dedica indirizzata ad Ottavio Spinola, funzionario regio, premessa all'edizione dei trattati della cosiddetta piccola astronomia , compresi negli Sphaerica del 1558 (c. 61r).

[S:61r] D. Octavio Spinulae Quaestori Aerario

Siciliae Regioque Consiliario

Maurolicus. S.

Ex quo sphaericorum nostrorum volumen Octavi generose vir, Messanae excudi coeperat fluxit iam annus tertius et inter varia tum impedimenta, tum bellorum suspiciones, quae nos turbabant, non dabatur ullus speculationibus locus, quae secessum mentis et ocium in primis requirunt: fecit amor erga me tuus, immo eximia tua in literas affectio, ut repetito labore, opus hoc egregium absolveretur. Tantum igitur tibi sphaera nostra debet, ac debere se fatetur, quantum Atlas Herculi coelum humeris sustinenti debuit. Absolutis itaque Theodosii, Menelai, ac Maurolyci tui sphaericis: subiungemus ea, quae ad sphaeram mobilem, motumque primum pertinent, quippe quae sphaericorum demonstratis innituntur, et prima sunt syderalis disciplinae rudimenta. Quod si te nunc reipublicae cura et onus quod sustines, occupatum tenet: dabitur ut spero, quandoque ocium ut artibus ingenuis intendas animum, et opera nostra utaris. Vale.

Ad eundem hexastichon.

Disturbata diu variis monumenta procellis
Ad metam properant, te duce, nostra suam
Haud aliter quondam, ne machina tanta periret,
Herculis auxilio, sydera fulsit Atlas.
Si quidquam Octavi poterit mea pagina: laudem
Delebunt meriti tempora tui.

Messanae kal. Iun. M. D. LVIII.

Inizio della pagina
 ->